Бош прокуратура ҳузуридаги Департаментнинг Қуйичирчиқ туман бўлими томонидан ўтказилган терговга қадар текширувда, тумандаги 81 нафар фуқарони тикувчилик фаолияти бўйича махсус курсда ўқитиш учун “S.” МЧЖга ажратилган 282,4 млн сўмни, жамият раҳбари ва туман “Аҳоли бандлигига кўмаклашиш маркази” масъул шахслари амалда малака оширмаган фуқаролар номига ҳужжатларни расмийлаштириб, бюджет маблағларини талон-торож қилганликлари аниқланган.
Департамент матбуот хизматининг хабар беришича, мазкур ҳолат юзасидан Жиноят кодексининг 167-моддаси 3-қисми, 228-моддаси 1 ва 3-қисмлари билан жиноят иши қўзғатилиб, тергов ҳаракатлари ўтказилмоқда.