Россиянинг юк самолёти Суриянинг Латакия вилоятидаги авиабазасидан кўтарилиб, Ливия томонга учиб кетди, дея хабар бермоқда Reuters авиабазада жойлашган Сурия хавфсизлик хизмати ходимига таяниб.
Агентлик суҳбатдошининг сўзларига кўра, Россия самолётлари яқин вақт ичида Ҳмеймим авиабазасидан ҳам ҳавога кўтарилиши кутилмоқда.
Агентлик сунъий йўлдош орқали олинган суратларни ўрганиб, Россия Суриядаги ҳаво базаларидан ҳарбий техника, жумладан, иккита Ан-124 самолётини олиб чиқаётганини ёзмоқда.
