Бугун 28 март, 2024 йил, пайшанба

O'ZB

Россиялик ўқитувчи аёл Қозон гимназиясидаги отишмадан ўқувчиларини қандай сақлаб қолганини айтди

Россиялик ўқитувчи аёл Қозон гимназиясидаги отишмадан ўқувчиларини қандай сақлаб қолганини айтди

Отишма бўлган Қозон шаҳридаги 175-сонли гимназиянинг биринчи синф ўқитувчиси Эндже Гаязова "Биз деразадан сакраб ўтамиз" деган сўзлардан кейин болаларни қандай қутқарганини тасвирлаб берди. Унинг ҳикояси РИA Новости томонидан нашр этилган.

Гаязова икки ўқ овозини эшитганини ва нима бўлаётганини кўриш учун ташқарига чиқмоқчи бўлганини таъкидлади. Аммо директор ҳаммадан эшикларни ёпишни ва офисдан чиқмасликни сўраган.

"Болалар қўрқиб менинг олдимга югуришди, мен қандай қилиб билмайман, лекин уларга қараб жилмайиб, болалар, энди биз деразадан сакраб чиқамиз, дедим. Тез орада болалар сакраб тушишди ва мен уларнинг орқасидан бордим", деди Гаязова. Унинг синф ўқувчилари жароҳат олишмади, фақат иккитасида кўкаришлар борлиги аниқланди.

Воқеа гувоҳи вафот этган ҳамкасби Венера Aйзатова ҳақида ҳам гапириб берди. Ўқитувчининг сўзларига кўра, у нима содир бўлаётганини кўриш учун биринчи ўқ овозидан сўнг хонадан чиқиб кетган.

Эслатиб ўтамиз, Қозон шаҳридаги 175-сонли гимназияда отишма 11 май куни эрталаб содир бўлди. Мактабнинг собиқ ўқувчиси, 19 ёшли Илназ Галявиев мактабга келиб, ўт очган. Натижада тўққиз киши вафот этди, 20 дан ортиқ киши турли даражадаги тан жароҳати олди. Болалар деразадан сакраб қочишга ҳаракат қилишди. Сўроқ пайтида Галявиев ўзини худо сифатида англаганини айтди. Ҳодиса юзасидан оммавий қотиллик моддаси билан жиноят иши қўзғатилган, Галявиев ҳибсга олинган.

Киритилди: 20:43 13.05.2021. Ўқилди: 3316 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!