Бир гуруҳ россиялик мутахассислар коронавирус инфекциясига қарши курашда ёрдам бериш учун Ўзбекистонга келади. Бу ҳақда Россия соғлиқни сақлаш вазири Михаил Мурашко 10 август, душанба куни маълум қилди.
— Шунингдек, биз халқаро фаолиятимизни давом эттирмоқдамиз. Шуни таъкидлашни истардимки, бизнинг мутахассисларимиз Қозоғистон Республикасидан қайтиб келиб, ўз вазифаларини бажариб бўлгач, мутахассисларнинг бир гуруҳи Ўзбекистонга боришга тайёрланмоқда, – деди вазир.
Июль ойи охирида Мурашко Шанхай Ҳамкорлик Ташкилоти (ШҲТ), шу жумладан Ўзбекистонга Россия коронавирусга қарши вакцинани етказиб бериш бўйича музокаралар олиб борилаётганини хабар қилди.
7 август куни Россия соғлиқни сақлаш вазирининг ўринбосари Олег Гриднев Россия коронавирусга қарши вакцинани рўйхатга олган дунёдаги биринчи мамлакат бўлишини эълон қилганди.