Петербург давлат темир йўл университети (Петербургский государственный университет путей сообщения – ПГУПС) ўзбекистонлик бир неча талаба ва аспирантларни ўзини-ўзи яккалаш режимини бузганлик ва COVID-19 юқтириб олганлик ҳолатини яширганлик учун талабалар сафидан чиқариши мумкин. Бу ҳақда университет матбуот хизмати хабар қилмоқда.
Хабарда ёзилишича, 7а ётоқхонасида истиқомат қилувчи бир неча ўзбекистонлик талаба ва аспирантлар белгиланган талаб ва тавсияларга риоя қилмасликлари натижасида коронавирус юқтириб олишган. Улар коронавирусга мустақил равишда тест топширишган. Кейин мусбат чиққан натижа ҳақида таълим муассаса ва ётоқхона масъулларига хабар қилишмаган. Бунинг оқибатида улар кечикиш билан ётоқхонадаги бошқалардан яккаланган.
Университет тезкор штаби ушбу вазиятни йиғилишда кўриб чиққан ва ректор номига ушбу ўзбекистонлик талабаларга “талабалар сафидан чиқаришгача” бўлган интизомий чора кўришни сўраб илтимоснома киритишган.
Университет маъмурияти ётоқхонада истиқомат қилаётган талабаларга санитар талабларга ва ётоқхонада яшаш қоидаларига сўзсиз риоя қилиш лозимлигини эслатиб ўтган.
Москва Исроилнинг эҳтимолий ҳужумидан ҳимоя қилиш учун Эронга замонавий қирувчи ва ҳаво мудофаа тизимларини топшириши мумкин
Тожикистон чегарачилари етти нафар афғонни отиб ўлдирди
Қирғизистон Москванинг баёнотларидан норози
