Россия Тергов қўмитасининг Липецк области бўйича бошқармаси хабар қилишича. Липецкнинг Правобережний округи бўйича тергов бўлими Ўзбекистоннинг 46 ёшли фуқаросига нисбатан жиноий иш бўйича терговни якунлади.
Тергов маълумотига кўра, 2018 йил 23 сентябрь куни кечқурун ўзаро базм вақтида эркак 38 ёшли қўшниси ва унинг 36 ёшли турмуш ўртоғини ўлдирган.
У қотилликни ўта шафқатсизлик билан амалга оширган, аввалига тананинг ҳамма жойига пичоқ билан жароҳат етказган, сўнг жасадларни бўлакларга ажратган ва уй ёнига яширган.
Қариндошлар изсиз ғойиб бўлган эр-хотинни қидира бошлашган, қўшни эркак эса ҳуқуқ-тартибот идораларидан яшириниб юрган, кейинчалик у қидирувга берилган.
Тез орада қурбонларнинг жасадлари топилди, жиноят иши бўйича тергов бошланди.
Айбланувчи ўз жонига қасд қилмоқчи бўлганида қўлга олинди, Ўзбекистон фуқароси қамоққа жойлаштирилган.
Тергов кўплаб суд экспертизаларини ўтказди, ҳозирги вақтда жиноятга оид барча далиллар тўпланган, иш судга оширилган.
Россия Тергов қўмитасининг Липецк области бўйича бошқармаси матбуот хизмати хабарига кўра, ушбу модда бўйича максимал жазо - умрбод озодликдан маҳрум этиш.
Путин ва Илҳом Алиев темир йўл соҳаси фахрийлари ва ходимлари билан учрашув ўтказди
Иқтисодий жиҳатдан Молдова фақат Россия билан ҳамкорликда ривожлана олади
Россия ҳукумати бунга рози бўлди
