Россияда Ravon автомобилларнинг янги нархи эълон қилинди

Ravon компанияси Россия бозорига қайтмоқда ва автомобилларнинг янги нарх эълон қилинди. Бу ҳақда AutoNavigator хабар бермоқда.

Маълумотларга кўра, эндиликда беш эшикли Ravon R2 хэтчбеки (олдинги Chevrolet Spark) нинг Optimum ва Elegant позициялари мос равишда 799 мингдан 824 минг рублгача (12,3 минг ҳамда 12,6 минг доллар) нархда сотилади. Модель 85 от кучига эга 1,2 литрли двигатель билан жиҳозланган.

Ravon R4 седанининг (Chevrolet Cobalt) тўртта позицияси сотувга чиқади: Comfort МТ 799 минг рубль (11,8 минг доллар), Optimum МТ 794 минг рубль (12,2 минг доллар), Optimum AT 834 минг рубль (12,8 минг доллар), Elegant АТ 849 минг рубль(13 минг доллар).

Ravon автомобилларини Россияга етказиб бериш баҳорда тўхтатилган эди, бироқ улар яқин вақтлар ичида яна қайта йўлга қўйилиши кутилмоқда.