Украинанинг Запорожье вилоятида Россия ҳужуми натижасида 19 киши яраланди.
Бу ҳақда Запорожье ОВА раҳбари Иван Федоров ўзининг Telegram’даги каналида маълум қилган.
"Россиянинг Запорожьега ҳужуми туфайли 19 киши жароҳатланган. Шифокорлар жабрланганларга барча зарур ёрдамни кўрсатмоқда", деб ёзади Федоров.
"Автовокзалга душман зарба берганда яқин жойда бўлган одамлар олган қўл-оёқлари, боши, қорин бўшлиғидан жароҳат олишди" - дея қўшимча қилди Федоров.
Шунингдек, у еттита кўп қаватли уй ва нотурар жой биноларига зарар етказилгани ҳақида хабар берган.
Украина президенти Владимир Зеленский Россия ҳужумига жавоб бериб, Россия Федерациясидан ҳеч қандай муддат ёки кутиш иш бермаслигини айтди.
"Шунинг учун ҳам санкциялар, босим керак. Куч керак - биринчи навбатда АҚШнинг кучи, Европанинг кучи, халқаро муносабатларда тинчлик ва осойишталикни истайдиган дунёнинг барча давлатларининг кучи. Агар Россия урушни тўхтатмоқчи бўлмаса, демак, унинг иқтисодиётини тўхтатиш керак", — дея таъкидлади у Telegram’даги видеомурожаатида.
Эслатиб ўтамиз, 10 август куни кечқурун Россия кучлари Запорожье марказий автовокзалига зарба берган, ҳужум натижасида бино бутунлай яроқсиз ҳолга келган.
Келаётган ҳафта Ўзбекистонда совуқ ҳаво кутилмоқда
Муҳаммад Салоҳ жазоланадиган бўлди
Мигрантлардан норози бўлаётган экспертларга қўлига супурги олишни маслаҳат бераман — Собянин
