Россия вакцинасидан фойдаланишга тайёр мамлакат номи маълум бўлди

Россиянинг Венесуэладаги элчиси Сергей Мелик-Багдасаров республика ҳукумати фуқароларда синовдан ўтказиш учун Россиянинг  коронавирус вакцинасидан фойдаланишга тайёрлигини билдирди, деб хабар беради “ТAСС”.

Шунингдек, у вакцинани Венесуэлага етказиб беришнинг санаси аниқ эмаслигини таъкидлади.

"Aфсуски, Aмерика Қўшма Штатлари ва бир қатор Ғарб давлатлари томонидан Каракасга нисбатан бир томонлама чеклов чоралари кўрилгани халқаро қонунларга зид бўлиб, Венесуэла ҳукуматининг, пандемияга қарамай, мамлакат аҳолисини асосий эҳтиёжлар билан таъминлашига тўсқинлик қилмоқда", дея тушунтирди у.