Бугун 29 март, 2024 йил, жума

O'ZB

Ресторанлар коронавирусга қарши эмланган хўррандалар учун чегирмалар тақдим этмоқда

Ресторанлар коронавирусга қарши эмланган хўррандалар учун чегирмалар тақдим этмоқда

Бирлашган Араб Амирликларининг Дубай шаҳрида жойлашган ресторанлар коронавирусга қарши эмланган мижозларга чегирмалар беришни бошлади.

Ушбу ҳаракатлар одамларни вакцинани қабул қилишга тарғиб учун олиб борилмоқда. Дунёнинг туризм марказларидан бири бўлган БАА мамлакати ўз эшикларини хорижликларга ёпмаган ҳолда коронавирусга қарши курашишга ҳаракат қилмоқда.

Geyts Hospitality компанияси томонидан бошқариладиган учта ресторан коронавирус вакцинасининг биринчи дозасини қабул қилган мижозларга 10 фоиз, иккита дозани олиб бўлганларга эса 20 фоиз чегирма тақдим этмоқда. Хўррандалар чегирмага эга бўлишлари учун вакцинани қабул қилганлик ҳақидаги тиббий сертификатни кўрсатишлари керак. Баъзи одамлар бу ҳаракатни мамнуният билан қабул қилишган бўлсада, бошқалар бу ҳолатга салбий фикр билдиришган.

«Бу ҳаракатнинг сабабини иккита нарса билан изоҳлаш мумкин:бу харидорларни жалб қилиш ёки кўпроқ одамларни эмлашга туртки бериш учун қилинмоқда» дейди Твиттер фойдаланувчилардан бири.

БАА ҳукуматининг маълум қилишича, ҳозиргача мамлакатдаги 10 миллион аҳолининг 2,5 миллион нафари коронавирусга қарши эмланиб бўлинди. Бу билан БАА аҳолисини коронавирус вакцинаси билан таъминлаш бўйича дунёда Исроилдан кейин иккинчи ўринда турибди.

Еттита амирликдан ташкил топган БАА ўтган йилнинг декабрь ойида Pfizer ва Sinopahrm компаниялари томонидан ишлаб чиқилган вакциналарни рўйхатдан ўтказиб, коронавирусга қарши оммавий эмлашни бошлаганди.

Дубай ўтган йилнинг июль ойида сайёҳлар учун очилди. Янги йил байрами муносабати билан вирус тарқалиши кўпайганига қарамай ҳозир ҳам сайёҳлар бу ерга келиб, дам олишлари мумкин. Дубайда ресторанлар ва аҳолига хизмат кўрсатиш соҳалари ҳам ўз фаолиятларини давом эттирмоқда.

Киритилди: 14:33 27.01.2021. Ўқилди: 1313 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

бир кунда ҳафтада бир ойда

Фикр билдириш учун қайдномадан ўтишингиз сўралади ва телефон ракамни тасдиклаш керак булади!