Бугун 28 март, 2024 йил, пайшанба

O'ZB

Респект! Қозоғистон гўшт қимматлашгани сабабли қорамол экспортини тақиқлади

Респект! Қозоғистон гўшт қимматлашгани сабабли қорамол экспортини тақиқлади

Қозоғистон йирик ва майда шохли қорамолларни мамлакатдан олиб чиқишни тақиқлади.

Қозоғистон Қишлоқ хўжалиги вазирлиги баёнотида айтилишича, жуда кўп миқдорда экспорт туфайли гўшт нархи асоссиз равишда кўтарилди.

Гўштни қайта ишлаш корхоналарига гўшт етказиб бериш камайди. Вазирлик қорамолни экспортини тақиқлаш чораларни кўришга мажбур бўлди.

Таъкидланишича, 2019 йил Қозоғистондан 156 минг бош қорамол, шундан энг кўпи Ўзбекистонга 121,6 минг бош ёки 78 фоиз, Арманистон 14 фоиз  экспорт қилинган.

Шунингдек, 264 минг бош қўй экспорт қилинган ва уларнинг ярмидан кўпи наслчилик учун мўлжалланган. Кичик қорамолларнинг асосий харидорлари Ўзбекистон (200 минг бош ёки 76%). Россия 21,5 минг (8,1%), Озарбайжон - 18 минг (6,7%), Эрон - 12 минг (4,5%) бош сотиб олди.

2017-2021 йиллар учун Қозоғистон агросаноат мажмуасини ривожлантириш давлат дастурида қайта ишланган маҳсулотлар экспортини 2,5 баравар ошириш кўзда тутилган. Қишлоқ хўжалиги вазирлиги чорва молларини экспорт қилишни тақиқлаш бу натижага эришишга имкон беради деб ҳисолайди.

 

Киритилди: 13:26 20.01.2020. Ўқилди: 1997 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!