"Реал" юлдузи нега Ўзбекистон билан ўйнамайди?

"Реал" ярим ҳимоячиси Федерико Вальверде 2025 йил октябрь ойида Уругвай терма жамоасида ўйнамайди, дея хабар бермоқда ESPN.

27 ёшли футболчининг Уругвай терма жамоаси таркибида йўқлиги жароҳат ёки келишмовчилик билан боғлиқ эмас. Бу футболчи ва бош мураббий Марсело Бьелсанинг ўзаро қарори.

Уругвай терма жамоаси 10 октябрь куни Доминикан Республикаси терма жамоаси билан, 13 октябрь куни эса Ўзбекистон терма жамоаси билан ўртоқлик ўйинида майдонга тушади. Аввалроқ уругвайликлар ЖЧ-2026 йўлланмасини қўлга киритганди.

Вальверде терма жамоа сафида 71 та ўйинда 8 та гол урди ва 2 та голли узатмани амалга оширди.