“Реал” Лука Модричга ўринбосар топди

“Реал”нинг афсонавий ярим ҳимоячиси Лука Модрич келаси ёзда жамоани тарк этиши мумкин.

Хорватиялик футболчининг шартномаси тугамоқда, турли маълумотларга кўра, томонлар уни узайтиришлари даргумон. Мадрид клуби ёзда унинг ўрнига ўринбосар топиш учун трансфер бозорига киради.

Манбага кўра, энг асосий номзод — “Интер” юлдузи Николо Барелла. “Интер” футболчи учун 80 миллион евро олмоқчи, бироқ клуб президенти Флорентино Перес миланликларни 60 миллион евро эвазига трансферга рози бўлишга ишонтиришига ишончи комил.

Жорий мавсумда Барелла “Интер” сафида 13 та ўйинда майдонга тушиб, 1 та гол урди ва 2 та голли узатмани амалга оширди.