AKFA Lighting кенг тармоқли энергия тежамли лампалар ишлаб чиқарувчи компанияси ОАВда тарқалган хабарлар юзасидан муносабат билдирди.
Akfa Lighting компанияси раҳбарияти расман шуни маълум қиладики, бизнинг компания автомобиллар учун лампа ИШЛАБ ЧИҚАРМАЙДИ ва ишлаб чиқариш режаси йўқ, дейилади раддияда. Автомобиллар учун LED лампалар ишлаб чиқариш билан боғлиқ бўлган миш-мишлар, фотосуратлар, ижтимоий тармоқ ва янгиликлар сайтларидаги мақолалар асоссиздир.
Шунингдек, компания ишлаб чиқарадиган маҳсулотлар каталоги билан компания расмий сайтида танишиш мумкинлиги айтилади.