Бугун ижтимий тармоқларда Қорақалпоғистоннинг Қўнғирот туманида бир гуруҳ эркаклар иштирокида муштлашув содир бўлгани акс этган видеолавҳа тарқалди.
Zamon.uz сайти ушбу ҳолат юзасидан Қорақалпоғистон Республикаси ИИВ Ахборот хизмати бошлиғи Дауран Елмуратов билан боғланди.
Дастлабки маълумотларга кўра, Қўнғирот туманидаги бир нечта фуқаролар ўртасидаги можаро ҳақиқатдан ҳам юз берган.
Жанжал шу йилнинг 16 августида Қўнғирот туманининг Навоий МФЙ ҳудудида содир бўлган. Ҳозирда туман ички ишлар бўлими томонидан суриштирув ишлари олиб борилмоқда.