Қуддусда исроиллик аскар фаластинликларга ўт очди: бир киши яраланди

Қуддуснинг жанубидаги ҳарбий назорат пунктида Исроил аскари фаластинликларга ўт очиши натижасида бир нафар фаластинлик яраланди.

Ҳодиса исроиллик хавфсизлик кучлари бир неча соат аввал Жанин шаҳрида икки фаластинликни отиб ўлдирганидан кейин рўй берди.

Полиция маълумотига кўра, аскарлар шаҳарга кириш рухсати бўлмаган фаластинликларни ушлаш бўйича операция ўтказаётган пайтда ёнидан жамоат транспорти автобуcи ўтиб кетган. Автобусдаги аскарлардан бири вазиятни “хавфсизлик ҳодисаси” деб нотўғри баҳолаб, транспортдан тушиб фаластинликларга ўт очган.

Бир фаластинлик оғир аҳволда яралангани маълум қилинди. Исроил хавфсизлик кучлари орасида қурбонлар йўқ.

Бундан бироз аввал Жанин қочқинлар лагери яқинида Исроил аскарлари қўлларини кўтарган ҳолда турган икки фаластинликни ўлдиргани хабар қилинган эди.