Ижтимоий тармоқларда “Бир ҳафта ичида 55 та эшак сўйилган, шунча гўшт қаерга кетяпти…” сарлавҳаси остида тарқалган видеога расмий муносабат билдирилди.
Қорақалпоғистон Экология ва атроф муҳитни муҳофаза қилиш қўмитаси Матбуот хизматига кўра, маълумотни ўрганиш мақсадида Қорақалпоғистон Республикаси Экология қўмитаси ва Элликқалъа тумани хокимлиги, Прокуратура, Ички Ишлар бўлими, Ветеринария бўлими ҳамда Санитария эпидемиология маркази ходимлари билан биргаликда тезкор гуруҳ тузилди.
Тезкор гуруҳ аъзолари ҳуқуқбузарлик ҳолати содир этилган жойда бўлиб, зудлик билан ҳолат ўрганилди ва Қорақалпоғистон Экология ва атроф муҳитни муҳофаза қилиш қўмитаси билан биргаликда ҳайвонларни сўйишдан ҳосил қилинган чиқиндилар бартараф этилди.
Айни пайтда мазкур ҳолат юзасидан тегишли тартибда ҳуқуқни муҳофаза қилиш органлари томонидан қонунчиликда белгиланган тартиб асосида чоралар кўриш мақсадида текшириш ва суриштириш ишлари олиб борилмоқда. Ҳуқуқбузарлик ҳолати юзасидан суриштириш ишлари якуни бўйича яна қўшимча маълумот берилади.
Эрон ракеталарининг аксарияти Исроилнинг Аrrow мудофаа тизими ёрдамида қўшни давлатлар устида уриб туширилган
Москва Исроилнинг эҳтимолий ҳужумидан ҳимоя қилиш учун Эронга замонавий қирувчи ва ҳаво мудофаа тизимларини топшириши мумкин
Тожикистон чегарачилари етти нафар афғонни отиб ўлдирди
