Санкт-Петербургда қидирувда бўлган ўзбекистонлик аёл туғруқхонада эканлиги маълум бўлди.
Маълумотларга кўра, 27 ёшли ўзбекистонлик муҳожир Санкт-Петербургда жойлашган «Малой Балканская» кўчасидаги туғруқхонага 12 ноябрь куни тўлғоқ билан олиб келинган.
Шифокорлар полицияга чет эл фуқаросини рўйхатдан ўтказаётганлари ҳақида хабар беришди. Кейин маълум бўлишича, аёл 2018 йил 22 декабрдан бери Ўзбекистон Ички ишлар вазирлигининг сўровига биноан қидирувда бўлган. Аёл катта миқдордаги фирибгарликда айбланмоқда.
Касалхонада полиция пости қўйилди: кўзи ёригач, ёш онани олиб кетишади.