Қашқадарёда ҳамшира Холбека Бобоқулова президент фармонига кўра II даражали “Саломатлик” ордени билан тақдирланди. Бу ҳақда вилоят ҳокимлиги матбуот хизмати хабар берди.
37 йилдан буён ҳамширалик фаолиятини олиб бораётган 54 ёшли Холбека Бобоқулова беморларнинг олдига эшакда қатнагани билан машҳур.
Қашқадарёда тиббий чақириқларга эшакда қатнаган ҳамширага орден берилди
Аёл Чироқчи марказидан 30 км узоқликда жойлашган тоғли Даштқизилчорва қишлоғида яшайди. Қишлоқ фуқароларининг уйлари бир-биридан 2-3 км узоқликда жойлашган.
Ҳамшира ҳеч қандай техникага эга эмаслигини тан олади ва шунинг учун бемор ёрдамга муҳтож бўлганида, у эшакда етиб боради.
Таъкидланишича, масъуллар томонидан бир неча йил аввал қишлоққа маҳаллий тиббиёт контейнери ажратилган. Ҳозирда Холбека Бобоқулова мазкур контейнердан фойдаланмоқда.
Москва Исроилнинг эҳтимолий ҳужумидан ҳимоя қилиш учун Эронга замонавий қирувчи ва ҳаво мудофаа тизимларини топшириши мумкин
Тожикистон чегарачилари етти нафар афғонни отиб ўлдирди
Қирғизистон Москванинг баёнотларидан норози
