Android тизими учун иловалар ва ўйинларни одатда Google’нинг расмий каталоги – Play Market’дан ўрнатамиз. Аммо ҳатто у ердаги дастурларда ҳам зарарли кодлар мавжудлиги аниқланди.
Хабарларга кўра, мазкур расмий дўкондаги 238 та ўйин ва иловада BeiTaAd номли реклама тарқатувчи зиёнкор код мавжуд экан. Мазкур дастурлар эса бутун дунё бўйлаб 440 миллионга яқин қурилмага ўрнатиб олинган. Шу тариқа, BeiTaAd вируси яратувчилари рекламалар орқали юз минглаб доллар маблағ ишлаб олишган.
Мутахассислар текшириб кўришганида, BeiTaAd излари Хитойга олиб борган. Таркибида мазкур код мавжуд бўлган иловаларнинг барчаси шу мамлакатдаги CooTek компанияси томонидан чоп этилган. Улар қанақадир йўл билан Android’га ўрнатилган Play Protect ҳимоясини чеклаб ўта олишган.
Айни дамда мазкур зиёнкор кодга эга илова ва ўйинларнинг барчаси Play Market’дан ўчирилган. Аммо бошқа дастурларда ҳам шунга ўхшаш бошқа бирор зиёнкор код мавжуд бўлиши мумкинлигини энди буткул инкор этиб бўлмайди.
Москва Исроилнинг эҳтимолий ҳужумидан ҳимоя қилиш учун Эронга замонавий қирувчи ва ҳаво мудофаа тизимларини топшириши мумкин
Эрон ракеталарининг аксарияти Исроилнинг Аrrow мудофаа тизими ёрдамида қўшни давлатлар устида уриб туширилган
Тожикистон чегарачилари етти нафар афғонни отиб ўлдирди
