Париж-2024 чемпиони проф боксга ўтишини эълон қилди

Украиналик боксчи, 80 кг вазн тоифасида Париж-2024 ёзги Олимпия ўйинлари ғолиби Александр Хижняк профессионал боксга ўтиш эҳтимоли ҳақида гапирди.

"Олимпия боксида ҳаммасини қўлга киритиб бўлдим, мен бу ўйинни тўлиқ якунладим. Ғалаба қозониш мумкин бўлган барча мусобақаларда зафар қучдим. Менда барча турнирларнинг олтин медаллари бор. Профессионал ринг мен учун янги, аммо қизиқарли. Мен у ерда ҳам жаҳон чемпиони бўлишни истайман, ўзимни синаб кўрмоқчиман", деди украиналик боксчи.