Пандемия бошидан буён бир миллиондан ортиқ хорижлик ишчи Буюк Британияни тарк этди. Бу ҳақда Лондон Қироллик коллежининг иқтисодиёт профессори Жонатан Портесга таяниб, «Kommersant.ru» хабар берди.
Бу Иккинчи жаҳон урушидан буён чет эллик ишчиларнинг мамлакатни тарк этиши бўйича қайд этилган энг баланд кўрсаткич.
«Бизнинг риск шундаки, одамлар қайтиб келмаслиги хавфи ҳамда ишчи кучи ва малакали кадрлар етишмаслигига дуч келишимиз мумкин, натижада биз ишлаб чиқаришнинг бир қисмини, ўсиш ва доимий солиқ тушумларини йўқотамиз, — деди профессор Портес. — Айниқса Лондонда миграциянинг иқтисодий ўсишга ёрдам беришини инобатга олсак, бу нохуш хабар бўлиши мумкин».
Буюк Британия Миллий статистика бошқармаси (ONS) маълумотларига кўра, ўтган йилнинг тўртинчи чорагида Буюк Британиянинг чет эллик ишчилари сони ўтган йилнинг олдинги даврларига нисбатан 795 мингга кам бўлган. Портеснинг фикрига кўра, ONS чет элликларнинг мамлакатдан чиқиб кетишини етарлича баҳоламаяпти.
Аввалроқ Буюк Британияда COVID-19 сабаб эълон қилинган асосий чекловлар июнь ойи охирида бекор қилиниши мумкинлиги ҳақида хабар берилган эди.
Украина президенти Россия билан музокараларга тайёр эканини айтди
Москва Исроилнинг эҳтимолий ҳужумидан ҳимоя қилиш учун Эронга замонавий қирувчи ва ҳаво мудофаа тизимларини топшириши мумкин
Зеленский Украина мудофааси қулаганини тан олди
