Жорий йилнинг 28 январь куни Маданият вазирлигида Озодбек Назарбеков барча вилоятларнинг Маданият бошқармалари ходимлари билан видеоселектор йиғилишини ўтказди. Бу ҳақда Маданият вазирлиги хабар берди.
Ушбу йўналишда йўл қўйилган муаммолар ҳақида Маданият вазири Озодбек Назарбеков мавжуд муаммоларни санаб ўтди.
“Видеоселектордан асосий хулосангиз адолат бўлсин. Маданият тизимида коррупция урчиб кетган, ҳамма ўз этагини йиғиштириб олсин. Маданият вазирлигидан то энг қуйи тизимгача адолат ўрнатилади. Ким менга дўст бўлса, мен томонда турсин, ёки у менга душман бўлади. Президент менга ишонди, адолат ўрнатади деб ишонди. Бу ёғига адолат тўнини кийиб, маърифат қиличини баланд кўтариб тизимни коррупциядан тозалаймиз. Коррупцияга қарши курашишда эса менга ҳалол жамоа керак”, деди маданият вазир.
Бўлиб ўтган йиғилишда маданий меърос объектлари фаолиятини ривожлантириш, тарихий иншоотларни, уларнинг туристик салоҳиятини чуқур ўрганиб, туризм маршрутига киритиш бўйича таклифлар бериш масаласи муҳокама этилди. Шунингдек, соҳадаги муаммолар, камчиликларни бартараф этиш юзасидан аниқ таклифлар ўртага ташланди.
Иқтисодий жиҳатдан Молдова фақат Россия билан ҳамкорликда ривожлана олади
Microsoft битта тасвирдан видео яратадиган янги нейрон тармоқни тақдим қилди
Иордания қироли нега Исроилга ёрдам берди?
