Орбан ҳамкасби Бенямин Нетаняхуни Будапештга таклиф қилди

Венгрия Бош вазири Виктор Орбан жума куни исроиллик ҳамкасби Бенямин Нетаняхуни Будапештга ташриф буюришга таклиф қилди.

Виктор Орбаннинг айтишича, Венгрия ҳукумати БМТ Халқаро жиноий судининг бир кун аввал Нетаняхуни Ғазо секторида ҳарбий жиноятларда айблаб ҳибсга олишга ордер берган қарорига амал қилмайди.

Виктор Орбан ХЖС қарорини «ҳозирги можарога сиёсий сабабларга кўра аралашув» деб атади, бу унинг фикрича, халқаро ҳуқуқни бузади ва минтақада кескинликни кучайтиради. Венгрия ташқи ишлар вазири Петер Сиярто ҳам ХЖС ҳаракатини «бемаънилик» деб атади.

Бенямин Нетаняху бунга жавобан Венгрия Бош вазирига «ахлоқий поклиги ва адолат ва ҳақиқатни қўллаб-қувватлагани» учун миннатдорчилик билдирди. У Халқаро Суд қарорини «Исроилнинг ўзини ҳимоя қилиш ҳуқуқига қарши ғазабланган қадам» деб атади.

🔸Венгрия, бошқа барча Европа Иттифоқи давлатлари сингари, Халқаро Жиноят Судининг аъзоси ва унинг қарорларини бажаришга мажбурдир, бироқ агар мамлакат буни амалга оширишдан бош тортса, ХЖСда уларнинг бажарилишини таъминлаш имкони йўқ.

🔸ХМК 21 ноябрь куни Бенямин Нетаняху ва Исроил собиқ мудофаа вазири Йоав Голантни ҳибсга олишга ордер берди. Суд Исроил расмийларини Ғазо секторида уруш жиноятлари ва инсониятга қарши жиноятларда айблайди.