Оқ уй яқинидаги отишмадан сўнг Трамп Махфий хизматни "буюк", ҳужумчини эса "ақлдан озган" деб атади

Оқ уй яқинидаги отишмадан сўнг Трамп Махфий хизматни "буюк", ҳужумчини эса "ақлдан озган" деб атади.

АҚШ президенти Доналд Трамп Truth Social тармоғида Оқ уй яқинидаги отишмага муносабат билдирди.

"Оқ уй яқинида қуролланган, муқаддам зўравонлик содир этган ва мамлакатимизнинг энг муқаддас биносига нисбатан ақлдан озгандек ҳужум қилган шахсга қарши тезкор ва профессионал ҳаракатлар қилгани учун бизнинг буюк Махфий хизматимиз ҳамда ҳуқуқ-тартибот идораларимизга раҳмат", — деб ёзди президент.

Трампнинг айтишича, ушбу воқеа у Оқ уй журналистлари билан кечки овқатда бўлганида юз берган отишмадан бир ой ўтиб содир бўлган.

"Бу воқеа келажакдаги барча президентлар учун Вашингтонда шу пайтгача қурилган энг хавфсиз ва энг ҳимояланган объектга эга бўлиш қанчалик муҳимлигини кўрсатади", — дея қўшимча қилди Трамп.