Бугун 29 март, 2024 йил, жума

O'ZB

Онколог онкологик касалликларнинг олдини олиш бўйича маслаҳатлар берди

Онколог онкологик касалликларнинг олдини олиш бўйича маслаҳатлар берди

Радиология МТТМ бош директори, Россия Соғлиқни сақлаш вазирлигининг штатдан ташқари бош онкологи Андрей Карпин ТАССга берган интервьюсида ғайриоддий ажралмалар ёки қон кетиши саратоннинг аломатлари бўлиши мумкин эканлигини айтди.

Мутахассиснинг сўзларига кўра, ҳар қандай ғайриоддий суюқликнинг пайдо бўлиши инсонни ҳавотирга солиши керак. “Нажас массаларида, сийдикда қон аралашмалари бўлганда, аёлларда қиндан қон кетганда 100 фоиз шифокор олдига бориш керак”, — деди Карпин.

Шунингдек, шифокорнинг қўшимча қилишича, йўтал, ланжлик, парҳезсиз вазн йўқолиши ва бошқа белгиларни ҳам эътибордан ташқарида қолдирмаслик керак. Унинг сўзларига кўра, одамлар ўз организмини яхши ҳис этади, лекин кўпинча у юбораётган сигналларни эътиборсиз қолдиради.

Онкологик касалликларнинг профилактикаси сифатида Каприн тадқиқотлар ва ёшга мос равишда диспансеризация бўйича барча кўрсатмаларни бажариш, соғлом ва фаол ҳаёт тарзини кечиришни тавсия қилди.

Бундан ташқари, тана вазни индексини ҳам кузатиб бориш ва, зарур бўлганда, семизликка қарши курашиш керак. Шунингдек, алкоголь ичимликлар ва қизил гўштни ҳаддан ташқари кўп истеъмол қилмаслик лозим, чекишни эса умуман ташлаган яхши. Кунига бештадан кўп сигарет чекиш хавфли ўсмалар ривожланиш эҳтимолини 20 фоизга оширади, деб таъкидлади онколог.

Киритилди: 21:18 12.06.2021. Ўқилди: 2891 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

бир кунда ҳафтада бир ойда

Фикр билдириш учун қайдномадан ўтишингиз сўралади ва телефон ракамни тасдиклаш керак булади!