Италия ёрдамга муҳтож бўлган кунларда унга Венесуеладан тортиб Албаниягача бўлган турли мамлакатлар ёрдам беришди. Аммо бу ишни қилиши керак бўлган Европа Иттифоқи жим турди, деб ёзди 30 март, душанба куни "Лига" раҳбари Маттео Салвини.
"Биз буни унутмаймиз", дея қўшимча қилди Салвини.
22 март куни Италия Бош вазири Жузеппе Конте дорихоналар ва озиқ-овқат дўконларидан, шунингдек, барча стратегик савдо-сотиқ муассасаларидан ташқари, мамлакатдаги барча корхоналарнинг фаолияти тўхтатилишини эълон қилди.