Нигерияда мактаб биноси қулаши оқибатида ҳалок бўлганлар сони 18 кишига етди

Нигерияда мактаб қулаши сабаб қурбон бўлганлар сони 18 нафарга етди. Бу ҳақда Газета.ru хабар берди.

Шунингдек, 41 киши жароҳат олган, уларнинг кўпчилиги болалар.

Қурбонлар орасида мактаб директори ҳам борлиги маълум бўлган.

Лагос шаҳрида жойлашган уч қаватли мактаб биноси нима сабабдан қулагани ҳалигача номаълум.

Эслатиб ўтамиз, Нигериянинг Лагос шаҳрида уч қаватли мактаб биноси қулаб, вайроналар остида юзлаб одамлар қолиб кетган эди. Аввалроқ, воқеа натижасида саккиз киши ҳалок бўлгани маълум қилинган.

Manba: daryo.uz