Исроил Бош вазири Беньямин Нетаньяхунинг афв этиш ҳақидаги илтимоси белгиланган тартиблар асосида ва ўта жиддийлик билан кўриб чиқилади.
Бу ҳақда Исроил президенти Исаак Герцог Politico нашрига берган интервьюсида маълум қилган.
Эслатиб ўтамиз, аввалроқ АҚШ президенти Дональд Трамп Герцогга Нетаньяхуга қарши терговни бутунлай тўхтатишни сўраб мактуб йўллаган эди.
"Президент Трампнинг дўстлиги ва фикрини ҳурмат қиламан. Лекин Исроил суверен давлатдир... Иши муҳокама қилинадиган шахс, яъни Нетаньяху Исроил қоидаларига мувофиқ, бошқа кўплаб сўровлар каби тўғри кўриб чиқиладиган сўровни тақдим этиши керак. Мен буни жиддий қабул қиламан", деди Исроил президенти.
Герцогнинг таъкидлашича, барча кечирим сўровлари белгиланган тартибда Адлия вазирлиги ва унинг юридик маслаҳатчиси орқали амалга оширилади. Ушбу "ғайриоддий илтимос"ни кўриб чиқишда, Исроил президенти, у таъкидлаганидек, биринчи навбатда, Исроил халқининг манфаатларидан келиб чиқади: "Исроил халқининг фаровонлиги менинг биринчи, иккинчи ва учинчи устуворлигимдир".
Нетаньяхуга қарши тергов 2016 йил декабрида бошланган ва 2019 йилда унга бир неча коррупция айбловлари бўйича расман айблов эълон қилинган. Исроил бош вазири ҳар қандай қонунбузарликни рад этади.
Кеча Нетаньяху, ўз навбатида, Қуддусда Германия канцлери Фридрих Мерц билан бўлиб ўтган матбуот анжуманида коррупция иши бўйича авф этилиши эвазига сиёсатни тарк этмаслигини айтди.
Келаётган ҳафта Ўзбекистонда совуқ ҳаво кутилмоқда
Муҳаммад Салоҳ жазоланадиган бўлди
Мигрантлардан норози бўлаётган экспертларга қўлига супурги олишни маслаҳат бераман — Собянин
