5 январь куни Навоий шаҳрида мактаб ўқувчилари ўртасида фан олимпиадасининг вилоят босқичи бошланди.
Kun.uz мухбирининг хабар беришича, Нурота туманидан мазкур олимпиадага икки ўқувчи ва икки ўқитувчини олиб келаётган «Nexia» автомашинаси йўлда аварияга учраган.
Улар, Нурота тумани халқ таълими бўлими мудири Байрамали Бобоназаровнинг маълум қилишича, тумандаги 2-мактабнинг ўқитувчи ва ўқувчилари бўлган.
Машина «Қорақарға» довонидан ўтаётганда йўлдан чиқиб кетган. Оқибатда бир нафар ўқитувчи ва бир нафар ўқувчи воқеа жойида вафот этган.
Дастлабки маълумотларга кўра, ҳодисага ҳайдовчи тезликни оширгани сабаб бўлган бўлиши мумкин.