Навоий шаҳридаги Амир Темур ва ғалаба чорраҳасида пиёдалар учун баланд кўприк қуриш ишлари олиб борилмоқда. "Ўзбекистон 24" телеканалидаги хабарга кўра, бугунги кунга келиб иш 80 фоизга бажарилган. Бу ҳақда "Repost" хабар тарқатди.
Кўприк жойлашган чорраҳа Навоий шаҳридаги марказий деҳқон бозори ва кийим-кечак бозорлари ёнида жойлашган. Бир дақиқада 400 га яқин киши чорраҳани кесиб ўтади.
Қурилиш қиймати қарийб 15 миллиард сўмни ташкил этади.
Пиёдалар учун кўприк чорраҳада бахтсиз ҳодисалар хавфини олдини олади ва бу ерда юзага келадиган тирбандликни бартараф қилади. Кўприкнинг қурилиши ғайриоддий дизайн ечимига эга ва миллий услубда яратилган, дейилади телеканал репортажида.