15 январь куни ижтимоий тармоқларда “Наманганда тадбиркорнинг қўлини қайириб, тепиб, машинага солишди” номи остида хабар тарқалди. “Zamon.uz” мазкур ҳолат юзасидан Наманган вилояти ИИБ матбуот хизмати билан боғланди.
Айтилишича, милиция ходимлари томонидан қўлини қайириб, мажбуран машинага ўтқазилаётган одам аслида тадбиркор эмас, балки қурилиш ишчиси бўлган. Тадбиркор томонидан қурилаётган объект ноқонуний эканлиги аниқланиб, ҳокимлик вакиллари томонидан воқеа жойига қурилишни тўхтатиш учун чиқилган.
Бироқ, қурилиш ишчиси бунга қаршилик кўрсатиб, жанжал кўтарган. Натижада ҳокимлик вакилини уриб, қўлини синдирган. Ишчини тинчлантириш мақсадида ИИБ ходимларини чақиришган. Қурилиш ишчиси қаршилик кўрсатишига қарамай машинага солиб олиб кетилган. Ҳозирда суриштириш ишлари олиб бориляпти.
Тошкентда қўлга олинган депутат 14 ёшли ўғил болани зўрлаганликда айбланмоқда
1 майдан электр ва газ учун тарифларни ошириш ҳамда ижтимоий нормани жорий этиш режа қилинмоқда
Тошкентда яна бир “участкавой” пичоқланди
