Режиссёр Мухлиса Азизова Канн шаҳрида ўтган ENTRE 2 Marches қисқа метражли фильмлар ижодий лойиҳасида гран-прини қўлга киритган Шокир Холиқовнинг “Чой” фильми тўғрисида фикрлари билан ўртоқлашди, дейди "togri.uz".
Мухлиса Азизова ўзбекистонлик ижодкорнинг гран-прини қўлга киритишини катта ютуқ деб атаган:
“72-Халқаро Канн фестивали доирасида асосий конкурс ва бошқа конкурслар бор, унга умуман алоқаси бўлмаган фестивал эди у. Ягона алоқадор томони – икки фестиваль ҳам Канн шаҳрида параллел ўтказилганди. У танловда ёш ва ҳаваскор киноижодкорлар имконияти чекланган инсонлар тўғрисида ишлар намойиш этилган.
Қандай фестиваль бўлишидан қатъи назар халқаро фестиваль ташкил этиш жуда қийин. Қисқа метражли фильмлар фестивали менда уларга нисбатан катта ҳурмат уйғотди. Ўзбекистондан борган ижодкорнинг танловда ютиши катта ютуқ, лекин бу муваффақиятнинг Халқаро Канн фестивалига ва унинг атрофидаги бошқа тадбирларга умуман алоқаси йўқ”.
“Шокир Холиқовга сервис берилишини оқламаган бўлардим. Совғанинг катта-кичиги бўлмайди. Бу нарса жуда нотўғри талқинда кетди. Масалан, сизга совға беришса, уни катта ёки кичик совға экан-ку, деб, расмга тушиб, қўйишнинг ўзи ҳам, ўйлайманки, бироз нобоп вазиятга сабаб бўлади.
Ижодкор эътироф этилгач, янги фильм олишни хоҳлайди. Мен аниқ биламан, ўша ижодкоримиз “Ўзбеккино” миллий агентлигига борганда, кейинги фильмларини агентлик молиялаши айтиб ўтилган. Ўйлайманки, сервис эмас, аввало шу жиҳат асосий планга олиб чиқилиши керак эди”.
