Москвада нишонланадиган Наврўз-2019 байрам тантаналарида 30 та қозонда 3 тонна гуруч дамлаш режалаштирилган, деди пойтахт миллий сиёсат департаменти раҳбари Виталий Сучков.
Биз, ўтган йиллардаги тажрибадан келиб чиққан ҳолда, бу йил тайёрланадиган ош миқдорини оширдик. Олдин палов Москвадаги миллатлар диаспоралари вакиллари томонидан тайёрланган бўлса, бу йил ошни профессионал ошпазлар пиширади , - деди Сучков.
Наврўз байрами тантанасига келган меҳмонлар турли таомларини татиб кўришлари, халқ амалий санъати намуналари билан танишишлари мумкин бўлади. Тадбир доирасида энг яхши ошпаз танлови ҳам бўлиб ўтади. Бош совринни космонавт Солижон Шарипов топширади.
Наврўз байрами одатдагидек Москвадаги ВДНХ боғида нишонланади. ВДНХ боғи ҳудудида 18 та миллий павильон, 15та овқатланиш ҳудудлари ҳамда миллий буюмлар ва сувенирлар сотув-кўргазмаси ташкил этилади.
Байрам тадбири ВДНХ боғидаги 75 павильонда соат 10:00 дан 13:00 га қадар бўлиб ўтади. Кириш барча учун бепул. Маълумот учун, бу йил Москвада Наврўз 14-марта нишонланмоқда.
Украина президенти Россия билан музокараларга тайёр эканини айтди
Москва Исроилнинг эҳтимолий ҳужумидан ҳимоя қилиш учун Эронга замонавий қирувчи ва ҳаво мудофаа тизимларини топшириши мумкин
АҚШда Украина ҳақида кутилмаган баёнот берилди
