Daily Mail хабарига кўра, 47 ёшли британиялик актёр Жуд Лоу олтинчи марта ота бўлган.
Маълумотларга қараганда, фотомухбирлар баҳорда Лондонда сайр қилиш пайтида актёрни ва унинг ҳомиладор рафиқаси Филиппа Коанни суратга олишга муваффақ бўлган.
Аммо бир неча кун олдин ниқобда кўчага чиққан 33 ёшли Филиппада ҳомиладорлик аломатлари кўринмаган.
Бундан хулоса қилиш мумкинки, Коан аллақачон фарзандини дунёга келтирган.
Аммо расмий равишда чақалоқнинг дунёга келганлиги ҳақидаги хабар ҳали тасдиқланмади.