Халқимиз ишонувчан. Айниқса, “чет элда мўмай пул топиш имконияти катта, фалон жойда фалонча маош беради, шу ерга ишга жўната оламан” дея алдаб, пулларни фирибгарлик йўли билан ўзлаштирувчилар домига фуқароларимиз тез илинади.
Бундан бир неча йиллар муқаддам Андижон шаҳрининг Саноат маҳалласида яшовчи Б.Я. ҳам маҳалладоши С.Х. томонидан алданиб қолган. Сабаби С.Х. Корея давлатига ишга юбораман деб, Б.Я. дан 6 811 АҚШ доллари миқдорида пул олган, бироқ ваъдасини бажармаган.
Ўртадаги келишув бажарилмаганлигини исботловчи далилларга эга Б.Я. уларни судга тақдим этиб, пулларини қайтариб олиб берилишини сўраган. Фуқаролик ишлари бўйича Андижон туманлараро судининг ижро ҳужжати билан қарздор С.Х. дан ундирувчи Б.Я. фойдасига жами 77,9 млн. сўм ундирилиши белгиланиб, Мажбурий ижро бюроси Андижон шаҳар бўлими ходимлари томонидан ундирув ҳаракатларига киришилган.
Олиб борилган ижро ҳаракатлари давомида С.Х. дан ундирувчи Б.Я. фойдасига жами 77,9 млн. сўм пуллар тўлиқ ундириб берилди.
