Медведев: НАТО ёрдамисиз Украинадаги можаро ҳеч қандай харажатсиз тугайди

Россия Хавфсизлик кенгаши раиси ўринбосари Дмитрий Медведев Саудия Арабистонининг "Al Arabiya" телеканалига берган интервьюсида Украина можаросига инсоният учун янги харажатларсиз чек қўйиш мумкинлигини айтди.

Унинг сўзларига кўра, агар НАТО Украинада уруш алангасини ёқишни тўхтатса, буни амалга ошириш мумкин.

"Агар НАТО блоки ҳақиқат майдонида туриб, Украинада уруш алангасини ёқишни бас қилса, бу можаро инсоният учун ҳеч қандай харажатсиз якунланиши мумкин", — дея сиёсатчининг сўзларидан иқтибос келтиради РИА Новости.