Aргентина терма жамоасининг собиқ футболчиси ва мураббийи Диего Марадона текширувининг дастлабки натижалари маълум бўлди: унинг ўлимига ўпкадаги шиш ва ўткир юрак етишмовчилиги сабаб бўлган. Бу ҳақда Infobae.com портали хабар бермоқда.
Ушбу хулоса текширувдан сўнг тузилган ҳисоботда келтирилган.
Aввалроқ, Марадонанинг адвокати футболчи юрак хуружидан вафот этганини айтганди.
Марадонанинг ўлими 25 ноябрда маълум бўлди. Маълумотни унинг адвокати тасдиқлади ва воқеа ҳақида биринчи бўлиб аргентиналик журналистлар хабар беришди.