Бугун 19 март, 2024 йил, сешанба

O'ZB

Хитойнинг коронавирус борасидаги сирини фош қилган шифокор ғойиб бўлди

Хитойнинг коронавирус борасидаги сирини фош қилган шифокор ғойиб бўлди

Ухан марказий касалхонаси қабул қилиш бўлимининг директори Ай Фэнь янги коронавирус инфекциясининг дастлабки босқичларида расмийларни танқид қилган мақоласи чоп этилгандан кейин ғойиб бўлди.

Бу ҳақда “60 Minute Australia” телевизион дастурида хабар қилинди.

Ай Фэнь янги касалликни кўрган биринчи шифокорлардан бири бўлиб, 2019 йил 18 декабрда ноодатий респираторли инфекцияга чалинган биринчи беморни текширади ва айнан шу бемор Ухан денгиз маҳсулотлари бозорида ишлаган бўлиб, кейинчалик эса маълум бўлганидек, SARS-CоV-2 коронавирусининг тарқалиши бошланади. Кейинги икки ҳафта ичида эса унинг бўлимига гриппга ўхшаш аломатларга эга яна бир нечта бемор қабул қилинади.

Декабрь ойининг охирида, янги коронавирус инфекцияси ҳали эълон қилинмаганида, Ай Фэнь беморлардан бирида ўтказилган тест натижаларини олади ва қоғоз устига "SARS коронавируси" сўзларини ёзиб, ҳамкасбларига ҳужжатнинг фотосуратини юборади. Қабул қилувчилардан бири эса февраль ойида коронавирус инфекциясидан вафот этган офталмолог Ли Вэньлян бўлади. Март ойида Ай Фэнь Хитойнинг «Жэньу» газетасига офталмолог Ли Вэньлян каби касаллик ҳақида маълумот тарқатгани учун “қаттиқ гап” эшитганини маълум қилади.

Ушбу мақола газетада нашр этилганидан икки ҳафта ўтгач, шифокор ғойиб бўлади, газетада чоп этилган мақола эса ўчирилади. Ҳозирда унинг қаердалиги номаълум.

“60 Minute Australia” теледастурининг муаллифлари аёл ҳукумат томонидан яширинча ҳибсга олинган деб тахмин қилишмоқда. Бундай воқеа олдин ҳам содир бўлган: 2018 йилда таниқли хитойлик актриса Фань Бинбин бир неча ой давомида ғойиб бўлган, кейинчалик эса яна пайдо бўлиб, солиқ тўлашдан бўйин товлаш айбини бўйнига олиб, қарзларини тўлашга ваъда берган.

"Озод Осиё" радиосининг хабар беришича, “60 Minute Australia”нинг Ай Фэнь ҳақидаги эшиттиришидан сўнг, “Weibo” ижтимоий тамоғида бедарак йўқолган шифокорнинг Ухан кўчаларидан бирида тушган «сирли» сурати пайдо бўлган. Сурат остига қуйидаги сўзлар битилган: "Дарё. Кўприк. Йўл. Соатлар жангги!”

Шифокорнинг йўқолиши Хитойда Интернет фойдаланувчиларининг норозилигига сабаб бўлди. Цензурага қарши курашни намойиш қилиш мақсадида аҳоли шифокорнинг интервьюсини Брайл ёзувига, Морзе алифбосига ва бошқа кодларга таржима қилишди.

Киритилди: 23:27 01.04.2020. Ўқилди: 17975 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!