Макрон пенсия ислоҳотига қарши намойишлар чоғидаги зўравонлик ва тартибсизликларни қоралади

Франция президенти Эммануэл Макрон пенсия ислоҳотига қарши намойишлар чоғидаги зўравонлик ва тартибсизликларни қоралади.

Расмий маълумотларга кўра, намойишлар чоғида 400 дан ортиқ полициячи яраланган, 500 га яқин одам ҳибсга олинган. Янги намойишлар сабабли, Буюк Британиянинг янги қироли Чарлз IIIнинг Францияга биринчи хорижий ташрифи қолдирилди.

Брюсселдаги брифингда Макрон меҳнат қонунчилиги бўйича касаба уюшмалари билан музокаралар олиб боришга тайёрлигини, аммо маввзу пенсия ислоҳоти бўйича бўлмаслигини маълум қилди.

Аввалроқ Франция президенти пенсия ёшини 64 ёшга кўтаришни назарда тутувчи ислоҳот мажбурий қадам эканини айтганди. Демократик Меҳнат Конфедерацияси кескинликни юмшатиш учун ислоҳотни олти ойга кечиктиришга чақирди, бироқ Макрон буни зудлик билан амалга ошириш кераклигини таъкидламоқда.