Тармоқларда Дублиндаги Marble Arch pub яширин камерасидан олинган видео пайдо бўлди.
Унда 6 апрель Конор Макгрегор ўзининг “Proper Pwelve“ вискиси билан меҳмонларни ўз ҳисобидан меҳмон қилишга қарор қилган. Видеода ирландиялик спортчининг ёши катта ташриф буюрувчилардан бирига қандай зарба бераётгани аниқ кўриниб турибди. Гувоҳларнинг фикрича, қария Макгрегорнинг ичимлигини татиб кўришдан бош тортган. Хабар қилинишича, ушбу видео узоқ вақтдан бери полициячиларнинг қўлида бўлган, аммо улар жангчига ҳеч қандай айблов қўймаган.