"Мадина Мамажонова иши": прокурор ўринбосари ишдан бўшатилди

Тожикистон бош прокурори Юсуф Раҳмон Сино тумани прокурори ўринбосари «Мадина иши» туфайли ишдан бўшатилганини айтди. Бироқ унинг қўшимча қилишича, унга нисбатан ҳеч қандай иш қўзғатилмаган.

Бугун, 2 февраль куни бўлиб ўтган матбуот анжумани чоғида Бош прокурор Сино тумани прокурори ўринбосари Мадина Мамаджонованинг калтакланиши ва ўлими борасидаги иш бўйича қонун ижросини лозим даражада назорат қилмагани учун ҳақиқатан ҳам ишдан бўшатилганини айтди.

«Ушбу прокурор ҳозирда прокуратура ходимлари ихтиёрида», - деди Юсуф Раҳмон.

Унга кўра, воқеа ва Мадина Мамажонова иши бевосита Тожикистон президенти Эмомали Раҳмон ва "Мажлиси Миллий" спикери Рустам Эмомали назоратида бўлган.

Мадина Мамажонова иши сўнгги пайтларда энг резонансли воқеалардан бирига айланиб, Тожикистон президенти Имомали Раҳмон ва Душанбе мери Рустам Эмомали эътиборини тортди.

Мадина Мамажонова 25 август куни ғойиб бўлган ва 14 соатдан кейин оғир тан жароҳатлари билан касалхонага етказилган. У мия шикастланиши туфайли тиббий комага тушиб қолган, шифокорларнинг фикрига кўра, бу асфикция туфайли бўлиши мумкин.

Октябрь ойи охирида фуқаролик жамияти фаоллари Мадина иши бўйича адолатли тергов ўтказишни талаб қилиб, Душанбе ҳокими, бош прокурор ва ички ишлар вазирига мактуб йўллаган эди.

Рустам Эмомали «Мадина иши»ни шахсан ўз назоратига олди ва унинг топшириғига кўра Бош прокуратура ва Ички ишлар вазирлиги иккинчи терговни бошлади.

1 ноябрь куни Тожикистон Бош прокуратураси Азиза Давлатова ва унинг турмуш ўртоғи Лутфулло Давлатовга нисбатан жиноий иш қўзғатганини маълум қилди.

Мадина Мамажонова уч ойга яқин комада ётди ва 15 декабрь куни вафот этди.

14 декабрь куни Парвиз Давлятов саккиз йилга озодликдан маҳрум этилди. Аммо амнистия тўғрисидаги қонунга мувофиқ, муддат 5,4 йилга қисқартирилди.

«Мадина иши»га алоқадор асосий шахс - Азиза Давлятова 11 йилга озодликдан маҳрум этилди. Давлятовага нисбатан амнистия акти қўлланиб, муддат бир йилга қисқартирилди. Шундай қилиб, у 10 йилини панжара ортида ўтказади.