Куни кеча юртимиз футболида яна бир аламли сана қайд этилди. Футбол бўйича жаҳон чемпионатига йўлланмани ўз қўлимиз билан рақибларга бериб юбордик.
Ушбу аламли мағлубиятни кутмаган ўзбек футболи мухлислари ўйин давомида жамоани қўллаб-қувватлаб турганини алоҳида қайд этиш лозим. Қуйида футбол мухлисларининг умидли нигоҳлари акс этган фотосуратларни тўпладик.
"Кутавериб 33 миллиондан ошиб кетдик", деб ёзилган шиорлардан бирида. Афсуски, бу миқдор ғалаба учун етарли бўлмади, кутамиз, балки 40 миллионда Жаҳон чемпионатида мухлислик қилиш насиб этар...