Бемор жарроҳ ҳузурида.
— Дўхтир, қулоғим оғрияпти!
— Унда кесиб ташлаймиз.
Бемор югурганча ташқарига чиқиб терапевт ҳузурига кирди.
— Дўхтир, қулоғим оғрияпти. Анави жарроҳ кесиб ташламоқчи бўлди.
— Э, бу жарроҳлар ўзи шунақа. Мен сизга бир дори ёзиб бераман, қулоғингиз ўзи узилиб тушади.
***
Тижоратчи врачга уйқусизликдан шикоят қилди. Врач ундан сўради:
— Сиз кўзларингизни юмиб, ўзингизча қўйлар подасини тасаввур қилиб, уларни бирма-бир санаб чиққанмисиз?
— Ҳа, аммо фойда бермади.
— Нега?
— Тасаввуримда қўйларни санаб бўламан, поездга ортаман, қаергадир олиб бориб сотаман-да, туни билан “арзон сотиб қўймадиммикан?” деб ўйланаман.
***
— Икки карра икки қанча бўлади?
— Сотасизми, ё харид қиласизми?