Бугун 28 март, 2024 йил, пайшанба

O'ZB

Кумуш суви қанчалик шифобахш?

Кумуш суви қанчалик шифобахш?

Савол: – Кумуш сувининг шифобахшлиги ҳақида эшитгандим. Шу ҳақида маълумотлар берсангиз.

АДОЛАТХОН, Сирдарё вилояти, Боёвут тумани

Мирзамир МИРЗАШАРИПОВ,

«Шифо-инфо» газетасининг махсус доришуноси:

Кумуш элементидан тиббиётда азалдан фойдаланилиб келинади. Эрамиздан 2500 йил аввалоқ одамлар кумушда бактерицид хусусият борлигини аниқлашган ва унинг ёрдамида турли яраларни даволашган... Чунки кумушнинг бактерицид хусусияти антибиотикларга қараганда кучлироқдир.

Тиббиётда кумушдан турли дори воситалари ишлаб чиқарилган. Шулардан бири — кумуш нитрат, яъни ляпис дея юритилади. Бу  рангсиз, тиниқ кристалл ёки оқ рангли, ҳидсиз қаламчадир. Бу қаламча яраларда, эрозияда тавсия этилган.

Кўпгина авиакомпаниялар кумуш сувидан самарали фойдаланади. Бундай сув ёрдамида йўловчилар турли-туман юқумли инфекциялардан ҳимояланади. Сувларни зарарлантиришда ҳам кумушнинг фойдаси катта. Илгари ҳар бир хонадонда кумуш идиш бўлган. Бундай идишда сақланган сув касаллик қўзғатувчи бактерияларга қирон келтирган.

Кумушли сувнинг бир қанча шифобахш хусусиятлари бор: 

гриппнинг олдини олади;

юқори нафас йўллари шамоллаганда;

томоқ оғриғида (ангина);

стоматит;

пародонтоз каби хасталикларда шифо бағишлайди;

кумуш суви ўпка шамоллашида эм бўлади;

кумуш суви тери хасталикларида ҳам наф беради;

кумуш суви «Пенициллин» дорисидан 90 маротаба кучли таъсир қилади;

 кумуш ионлари 700 хил турли микроблар, вируслар, замбуруғларга қирон келтиради.

❗️ Организмнинг бир кунлик эҳтиёжи учун 88 мкг. кумуш керак бўлади. Танага кумуш оз миқдорда бодринг, карам, шивит орқали киради.

Manba: «ШИФО-инфо» газетасининг расмий телеграм канали

Киритилди: 20:16 18.01.2021. Ўқилди: 10930 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

бир кунда ҳафтада бир ойда

Фикр билдириш учун қайдномадан ўтишингиз сўралади ва телефон ракамни тасдиклаш керак булади!