* * *
— Вафодор ва бевафо эр ўртасида қандай фарқ бор?
— Катта фарқ бор. Вафодор эрнинг баъзан виждони қийналиб туради.
***
Дўст дўстига хат ёзди:
— Вей, хотиним билан учрашиб юрибсанми, рўзғорнинг ярмини кўтаргин-да, ноинсоф!
***
Эр-хотин ажралишаяпти. Гувоҳ судьяга деди:
— Қўшниларим ҳақида сира ёмон гап айта олмайман. Улар муштлашишсаям, доимо жимгина муштлашишарди.
***
— Эрингиз билан қандай яшаяпсиз?
— Сўраманг! У қачон қараса менга хиёнат қилади. Мен бўлсам, шунча марта унга садоқатли эдим.
***
Икки дайди ит янги ўзбекнинг болонкасини кузатаркан, бири иккинчисига деди:
— Жуда чиройли экан!
— Э, нимаси чиройли? Уни сувдан чиққанда кўрсайдинг! Қомат эмас, чўп дейсан!
***
Янги ўзбеклар ресторанидаги эълондан:
— Хотинларингиз билан овқат тайёрлашни билмагани боис ажралишманг! Яхшиси бизнинг ресторанга келиб овқатланинг ва хотинларингизни оилавий бахт учун қолдиринг!
***
Бир ҳомиладор аёлга кўпроқ музқаймоқ ейишни маслаҳат беришганди. Рентгенга тушаётганда врач қараса, она қорнида эгизак ака-укалар жисмоний тарбия билан шуғулланаётганмиш ва бири иккинчисига дермиш:
— Ҳечқиси йўқ, ука, бир амаллаб қишдан чиқиб олармиз!
***
Бир куни чукча ўрмонда кетаётса, бошқа бир чукча белигача чуқур қазиб қўйибди. Ундан сўради:
— Нега чуқур қазидинг?
— Белимгача суратга тушмоқчиман.
Орадан бирмунча вақт ўтиб қайтиб келаётса, чукча яна битта шундай чуқур қазиб қўйибди0 Сўради:
— Яна нега иккинчи чуқурни қазидинг?
— Суратимни икки нусхада чиқартирмоқчиман.
***
Бир куни икки чукча ўрмонда адашиб қолишди. Бири деди:
— Руслар адашса, милтиқдан осмонга қарата ўқ узаркан.
Иккинчиси қўлидаги милтиқдан осмонга қарата ўқ уза бошлади. Отди, отди охири тўхтади. Шериги сўради:
— Нега тўхтадинг?
— Ўқ тугади.
***
Бир куни чукчани жосусликка юбораётиб тайинлашди:
— Агар соқчи сени пайқаб қолса, қандайдир ҳайвоннинг овозида бақиргин. Масалан, мушук бўлиб миёвлагин!
Чукча кетди. Юра-юра ортга қайтиб келаётса, соқчи пайқаб қолиб бақирди:
— Тўхта! Ким келаяпти?
— Биз мушуклармиз. Уйга қайтаяпмиз!