Бугун 29 март, 2024 йил, жума

O'ZB

Коронвирус ва АҚШ: Беш ёшгача бўлган болаларни касалхонага ётқизиш даражаси ошди

Коронвирус ва АҚШ: Беш ёшгача бўлган болаларни касалхонага ётқизиш даражаси ошди

АҚШда 18 ёшгача бўлган болаларни касалхонага ётқизиш даражаси бир ҳафта ичида коронавирус туфайли 80 фоизга ошган.

Айниқса, беш ёшгача бўлган болаларни касалхонага ётқизишлар сони кескин ўсиб бормоқда. Жумладан, 2021 йилнинг охирги ҳафтасида шифохонага ётқизилган болалар сони 4 декабрь билан якунланган ҳафтага нисбатан 48 фоизга ошди. 2021 йил 1 январга келиб АҚШ клиникаларига 4,3 минг ёш бола ётқизилган.

Мамлакатда ҳар куни 800 нафарга яқин коронавирус инфекцияси билан зарарланган 18 ёшга этмаган беморлар шифохоналарга жойлаштирилмоқда. Бу ўтган ҳафтадаги ўртача кўрсаткичдан 80 фоизга кўп ва бутун пандемия давридаги энг юқори ўсиш ҳисобланади.

Шу боис АҚШ Касалликларни назорат қилиш ва олдини олиш марказлари раҳбари Рошель Валенски америкаликларни вакцина олишга чақирмоқда.

«Ҳали COVID-19 вакцинасини ололмайдиган энг кичик болаларимизнинг ҳимоясини таъминлаш учун улар эмланган одамлар орасида бўлиши жуда муҳим», дейди Валенски.

Январь ойи бошидан АҚШда коронавирус инфекцияси юқтириш ҳолатлари яна кескин ўса бошлади ва янги антирекорд қайд этилди. Хусусан, 2022 йил 3 январь куни 1 миллион 82 минг 549 нафар кишида коронавирус аниқланган, 1688 нафар бемор вафот этган.

Киритилди: 20:32 13.01.2022. Ўқилди: 1921 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!