Коронавирусга чалинган одамларда қайд этилган энг кенг тарқалган аломат ҳид ва таъмнинг йўқолишидир. Бу ҳақда Mirror Буюк Британиянинг Миллий статистика бошқармаси ҳисоботига асосланиб хабар бермоқда.
15 августдан 26 октябргача олинган маълумотларга кўра, барча ёш гуруҳларида йўтал касалликнинг асосий белгиси эмас. 35 ёшдан ошган беморлар орасида 20-40 фоизи ҳид ва таъм билиш ҳисси йўқолишидан азият чеккан, 15-25 фоизи иситмадан шикоят қилган ва 13-18 фоизида йўтал қайд этилган. Ёш беморлар орасида ҳид ва таъм билишнинг йўқолиши даражаси янада юқори эди – 60 фоизгача.