Шарқий Англия университети олимлари кекса ёшдаги CОVID-19га чалинган беморларнинг маълумотларини таҳлил қилган ҳолда уларнинг кўпларида касалликнинг атипик белгилари бор деган хулосага келишди.
Тегишли тадқиқот medRxiv порталида эълон қилинди.
7 апрелдан 29 июнгача қариялар уйларидаги беморлар кузатилди. Тест-синовлари ижобий натижа кўрсатган 103 кишининг атиги 38 фоизида коронавируснинг доимой аломатлари борлиги аниқланди.
Таъкидланишича, 54 кишида касаллик белгилари йўқ ёки улар инфекция юқтирилганидан икки ҳафта ўтгач пайдо бўлган.
Кўпчилик шунчаки умумий безовталикни сезган. Шифокорларнинг фикрига кўра, кекса одамларда "ноқулайлик" ва "касалликнинг умумий ҳолати"ни "атипик" аломатлар деб таснифланиши мумкин.