Мельбурн қироллик технология институти бошчилигидаги халқаро олимлар жамоаси турли хил инфекцияларни, шу жумладан, CОVID-19ни даволашнинг янги усулини топдилар. Тадқиқотчиларнинг мақоласи Nature Communications журналида эълон қилинди.
Мутахассислар безгакни келтириб чиқарадиган паразитлар қизил қон таначаларида протеинкиназ ферментларининг фаоллигига боғлиқ эканлигини исботладилар. Шунингдек, улар саратон касаллигига қарши курашиш ва протеинкиназ ферментларини фаоллаштирмасликка мўлжалланган дорилар паразитларни ўлдиришда жуда самарали эканлигини аниқладилар. Бу вирусга қарши муолажа нархини пасайтиради ва безгак ҳамда бошқа (CОVID-19 ва гепатит) вирусли касалликларни йўқ қила оладиган дориларнинг яратилишини тезлаштиради.
Олимларнинг фикрига кўра, қўзғатувчининг ўзини эмас, балки организмнинг молекулаларини "нишонга олувчи" дорилар вирус қўзғатувчисини йўқ қилади.